Eiliadau allweddol yn hanes tîm pêl-droed merched Cymru

Mae tîm Cymru yn paratoi i wynebu Croatia yn rowndiau rhagbrofol Euro 2025. Yn ystod yr wythnos sydd i ddod, mae tîm pêl-droed merched Cymru yn anelu at wneud hanes drwy gyrraedd rowndiau terfynol un o’r prif gystadlaethau rhyngwladol am y tro cyntaf erioed. Byddant yn herio Gweriniaeth Iwerddon dros ddau gymal yn rownd derfynol gemau ail-gyfle Euro 2025. Mae dros hanner canrif wedi mynd heibio ers i’r tîm chwarae eu gêm gyntaf, ac isod ceir rhai o’r gemau mwyaf nodedig o’r cyfnod hwnnw. Sefydlwyd y tîm ym 1973, a chwaraeodd ei gêm gyntaf erioed yr un flwyddyn yn erbyn Gweriniaeth Iwerddon yn Llanelli. Er gwaethaf y tywydd gwael ar y diwrnod, roedd tyrfa o tua 3,500 yn bresennol i wylio’r gêm. Bu’n rhaid i Gymru fenthyca cit meddygol gan dîm dynion Abertawe, gan arwain at grysau a oedd yn rhy fawr i rai o’r chwaraewyr. Sgoriodd Gaynor Blackwell a